Атайҙар һәм ағайҙар имен-һау ҡайтһын!

Сибай ҡалаһының Р.Өмөтбаев исемендәге башҡорт лицейы "Беҙ бергә" акцияһына ихлас ҡушылды. Уҡыусылар ата-әсәләре һәм уҡытыусылары менән махсус операциялағы яҡташтарыбыҙға кәрәк-яраҡ әҙерләне. Шулай уҡ ҡыҙҙар һәм малайҙар үҙ ҡулдары менән һүрәт төшөрҙө, хаттар яҙҙы. Һеҙ һүрәттә күргән балалар лицейҙың 4-се А  класында уҡый. Улар класс етәкселәре Раушания Бәрәкәтова менән посылканы ихлас әҙерләне һәм уны яҡташтарыбыҙ алып ҡыуаныуын теләне. Әйткәндәй, был класта уҡыусы ҡайһы бер балаларҙың аталары, ағалары, яҡындары ил тыныслығы өсөн һаҡта тора. 

Атайҙар һәм ағайҙар имен-һау ҡайтһын!