АУЫЛ ХАЛҠЫ МӘСЕТ РЕМОНТЛАЙ

Баймаҡ районы Билал ауылы халҡы аҡса йыйып, ауыл мәсетен ремонтлауға материалдар алып эш башлап ебәргәйне. Әле ремонт эштәре тамамланыуға бара. Ауылдаштар көн дә тиерлек өмәгә сыға. Кем буш--шул ихлас эшкә ҡушыла.

--Кисә өмәгә килеүсе Рәдиф Шаһибалов, Радмир Мәһәҙиев, Рәмил, Айнур, Айгиз Амановтарға, Алмаз Ишмөхәмәтов, Шамил Юламанов, Рәфис Ғалиндарға һәм уларҙы аш-һыу менән һыйлаусы Нәфисә апай Әминева, Нәсимә апай Боҫҡоноваларға ҙур рәхмәт!--тип яҙа социаль селтәрҙә китапханасы Райхана Булатова.

Афарин, билалдар! Атайсалға изге ғәмәлдәр йылында башҡарған эшегеҙ, ысынлап та, оло маҡтауға лайыҡ. Күмәкләгән--яу ҡайтарған!