САҒЫЛЫШ

Ҡояшлы көндә кәүҙәбеҙ шәүләһе бер тотам ҡалмай арттан эйәрә. "Килбәте ниндәй - шәүләһе шундай,"- ти халыҡ шуны күҙ уңында тотоп. Кейгән кейемендә лә сағыла кеше һыны. "Май сүлмәге тышынан билдәле,"- тигәндәре шуға яҡыныраҡ һымаҡ. Һүҙ юҡ, был юлы сағылыш теп - теүәл, дөп- дөрөҫ.
Кешенең һүҙ сәнғәтендә сағылышы ла бер ҡалыпҡа ғына ҡайтып ҡалмай. Бер үк кешене меҫкен дә итергә, батыр ҙа яһарға, ялҡау ҙа итергә, уңған да яһарға, түбәнгә ҡолатырға ла, күктәргә күтәрергә лә мөмкин. "Ҡағыҙ түҙә,"- тигәндәре шуға ишара. Был юлы ла сағылыш - алдатҡыс.


Рим Исхаҡов