Йыһан ҡануны

1. Донъяла һәр нәмәнең ике яғы бар: аҡ һәм ҡара, йәшәү һәм үлем... Һәр нәмәлә ҡаршылыҡтар йәнәшә бара. Һәр процесс тамамланып, үҙенең ҡапма-ҡаршы һаләтен ала.
2. Бында булған – бөтә ерҙә бар. Күңелебеҙ ни күрә - тирә-яҡта шул. Матур тиһәк – матур күренер, яман тиһәк – яман.  “Ошо сир йоғоп ҡумаһын”,--тип сирҙе уйлаһаң – йоғор. Уйлағаның уйҙы тарта...
3. Эстәге – тышта. Кәйефең дә эске торошоңа бәйле.
4. Нимәгә нығыраҡ иғтибар бүләһең – тормошоңда шул.
5. Беҙҙең һәр ғәмәлебеҙ үҙебеҙгә әйләнеп ҡайта.
6. Бар нәмә уйҙан башлана.
7. Яҡшы һәм насар тип аныҡ әйтеп булмай. Кемгәлер яҡшы булған нәмә - икенсегә насар һәм киреһенсә булыуы ихтимал.
8. Барыһы ла үҙгәрә. Бер нәмә лә үҙгәрешһеҙ ҡалмай. Бөтә нәмә лә ҡасан булһа ла бөтә. Һәр нәмә ваҡытлыса.

фото: mixyfotos.ru