Еңеүселәр билдәләнде

Хәйбулла районының 95 йыллығы уңайынан уҙғарылған «Тере шишмә» конкурсында Әбеш ауылы биләмәһе «Бәхет шишмәһе»н таҙалап һәм кәртәләп беренсе урынға сыҡты һәм 100 мең һумға эйә булды.

Икенсе урынға Өфө ауылы биләмәһе һәм Федоровка ауылы биләмәһе сыҡты, улар 70-шәр мең һум алды. Өсөнсө урын һәм 50-шәр мең һум Ивановка һәм Аҡъюл ауылы биләмәләренә бирелде. Төрлө номинацияла билдәләнеүсе ауылдарға 10-шар мең һум бирелде.

Был конкурс тәбиғәткә һаҡсыл ҡараш тәрбиәләү йәһәтенән бик әһәмиәтле. Афарин, хәйбуллалар!