Бөтә яңылыҡтар
Экология
21 Апрель , 17:20

АҒАСТАР ҺАНЫ АРТТЫ

Былтыр ултыртылған 187 ағас-ҡыуаҡ янына йәнә 100-ҙән ашыу ҡарағай ултыртылды. Хәҙер инде ямғырҙар яуыуына өмөт итергә ҡалды...

АҒАСТАР ҺАНЫ АРТТЫ
АҒАСТАР ҺАНЫ АРТТЫ

Уҙған йыл яҙ Баймаҡ районы Сыңғыҙ ауылында йәшәүсе Дамира һәм Фәйзрахман Усмановтар ауылындағы тау битләүен кәртәләп, көҙөн 138 төп ҡарағай, 38 төр ҡайын, 3 уҫаҡ, 3 энәлек, 5 төп алма һәм груша ултыртҡайны.

Быйыл йәнә 100-ҙән ашыу ағас ултырттылар. Уларға ҡыҙы, кейәүе, ҡоҙағыйы, ейәндәре ярҙам итте.

Тағы ла 50-60-лап ағас-ҡыуаҡҡа урын бар, ти улар.

Әйткәндәй, уларға бер кем ҡушмаған, бер кем өндәмәгән. Күңел ҡушыуы буйынса эшләй пенсионерҙар.

Ҡасандыр республиканы шаулатҡан "Таҙа Һаҡмар" акцияһының инициаторы булған Фәйзрахман Усманов йылдан-йыл урмандың кәмеүенә борсола. Йәшел ҡалҡанды нығытыу өсөн үҙенсә өлөш индерергә тырыша. Хәлдәренән килгәнсе һыу ҙа ҡоя.

--Гел генә һыу ҙа ташып йөрөп булмай. Ямғыр яуһа ярар ине,--тип өмөтләнә улар.

Автор:Резеда Валиева