Сибайҙар сираттағы гуманитар ылау ебәрҙе

Сибай ҡалаһынан махсус хәрби операция биләмәһенә сираттағы гуманитар ылау оҙатылды. Был юлы ҡалалаштар яугирҙәргә 15 тоннанан ашыу ярҙам йыйып ебәрҙе. Гуманитар ылауға сибайҙар яугирҙәргә кәрәкле әйберҙәр, аҙыҡ-түлек, техника тейәне. Шулай уҡ позицияларҙы нығытыу өсөн 10 кубометр таҡта һәм 50 метр сәнскеле тимер сыбыҡ ебәрҙе. Бынан тыш 3 генератор һәм 9 маскировкалау селтәре һалынды.

-Ылауға тейәлгән әйберҙәр араһында 5 бензин менән эшләүсе бысҡы, 10 шөрөп борғос, циркуляр бысҡы, төҙөлөш материалдары ла етерлек. Алғы һыҙыҡта көнкүреш әйберҙәле лә кәрәк. Шуға ла ҡалалаштар 3 портатив плитә, кер йыйыу машинкаһы ла хәстәрләне. Кейем-һалым, медикаменттар, гигиена кәрәк-ярағы ла тейәлде. Шәхсән посылкалар ҙа ебәрелде. Тыуған яҡтан барған һәр әйбер, ризыҡ яугирҙәргә рух күтәренкелеге өҫтәй, тылдың да еңеүгә өлөш индереүен күрһәтә,-- тине Сибай ҡалаһының территориаль һайлау комиссияһы рәйесеАзат Яҡшыбаев.

Ылау китте тип тынысланырға ярамай. Сөнки сибайҙар махсус хәрби операция билмәһенә туҡтауһыҙ ярҙам йыя. Яугирҙәргә кәрәкле әйберҙәрҙе, аҙыҡ-түлекте “Тиҫтер” клубында эшләп килгән Миңлеғәле Шайморатов исемендәге ирекмәндәр штабына тапшырырға мөмкин. Махсус хәрби операцияла ҡатнашыусыларға һәм уларҙың ғаиләләренә ярҙам күрһәтеү үҙәгендә лә, Сибай ҡала хакимиәтендә лә посылкалар ҡабул итәләр.