ҒҮМӘРҘӘРГӘ - ЯҘ БҮЛӘГЕ

--Бөгөн Ғүмәр ауылында шатлыҡлы ваҡиға, бында фельдшер-акушерлыҡ пункты асылды. Был көтөп алынған һәм ауыл өсөн бик кәрәкле социаль объект. Сөнки бында өс йөҙҙән ашыу кеше йәшәй, балалар һәм өлкәндәр күп.
Төҙөлөш ауыл халҡы ярҙамы менән ҡыҫҡа ваҡытта атҡарылып сыҡты. Подрядсы ойошмаға, эшселәргә, Үҙәк ҡала дауаханаһының баш табибына, Ярат ауыл биләмәһе хакимиәтенә рәхмәт һүҙҙәре еткерәм.
Барығыҙға ла уңыштар, ныҡлы һаулыҡ һәм именлек теләйем!--тип яҙа социаль селтәрҙә Баймаҡ районы хакимиәте башлығы Фәнис Әминев.