Сибайҙа быйылғы 8-се пар игеҙәктәр тыуҙы

Сибай ҡалаһының ЗАГС бүлегендә сираттағы игеҙәктәр тыуыуы тураһында акт теркәлде. Радик Рафиҡ улы һәм Әнүзә Дәүләтбай ҡыҙы Ҡаһармановтарҙың ҡыҙҙары Мәҙинә һәм Мәликә ҡалала тыуған быйылғы 8-се пар игеҙәктәр. -Беренсе УЗИ-ла уҡ игеҙәктәр тыуасағын белдек. Ҡыҙ, малай булһа ярар ине тип теләнек. Икенсе тикшереүҙә ҡыҙҙар буласағын әйткәс, кәләш ныҡ ҡыуанды,--ти күп балалы атай Радик Ҡаһарманов. Мәҙинә менән Мәликәнең 12 йәшлек Денис ағаһы һәм 7 йәшлек Сафия апайҙары бар.

ЗАГС бүлеге хеҙмәткәрҙәре күп балалы ғаиләгә “Беҙҙең бәләкәскә” бүләк йыйылмаһы һәм Башҡортостан Республикаһы Дәүләт Йыйылышы-Ҡоролтай депутаты Денис Назаров исеменән фотоальбом тапшырҙы.

Сибай ҡалаһының ЗАГС бүлеге начальнигы Айгөл Бохарбаева әйтеүенсә, бүлектә башҡарылған бөтә эштәр "Демография" милли проектына ярашлы алып барыла.

Сибайҙа быйылғы 8-се пар игеҙәктәр тыуҙы

Автор:Гульдар Кадаева

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин