һәр бала үҙ өлөшө менән тыуа

Бөгөн генә Сибайҙа игеҙәктәр тыуыуы тураһында хәбәр иткәйнек, әле ҡаланың ЗАГС бүлегендә 300-сө сабый тыуыуы тураһында акт теркәлде.

Артур Рим улы һәм Гөлнара Нурғәле ҡыҙы Акаевтарҙың Ибраһим исемле улдары ошо түңәрәк һан аҫтында тыуыу тураһындағы танытмаға эйә булды. 3 йәшлек Али ағаһына иш булып тыуған сабыйға ата-әсәһе Ибраһим тигән матур исем һайлаған.

--Тағы бер улыбыҙ буласағын алдан белдек, исемде лә шуға мәғәнәле итеп алдан һайланыҡ,--ти ғаиәлә башлығы Артур Рим улы.

Йәш ғаиләгә уңыштар, именлек, киләсәктә тулы бәхетле -- ҡыҙлы булып китеүҙәрен дә теләйбеҙ!