ТЫНЫСЛЫҠ ТИҘЕРӘК КИЛҺЕН!

Ауырлыҡтарҙы халҡыбыҙ бергә күтәреп өйрәнгән. Был хаҡта тарихыбыҙ ҙа бәйән итә, махсус операцияла ҡатнашыусы егеттәребеҙгә әленән-әле ебәрелгән ылауҙар ҙа иҫбатлай. Бөгөн Баймаҡ районы Бетерә ауылынан Илсур Нәбиуллин, Сибай ҡалаһынан аталы-уллы Иршат һәм Арслан Байрамғоловтар, Руслан Таһиров ярҙам йөҙөнән таҡталар ебәрҙе.

Әйткәндәй, был уларҙың тәүге ярҙамы түгел. Мәҫәлән, Байрамғоловтар көҙ айында ла таҡта ебәргән. Ә мобилизацияланғандарҙың ғаиләһенә утын менән ярҙам иткән. Был юлы улар 10 кубометр таҡта ебәрҙе.
Сауаптары насип булһын, тиҙерәк тыныслыҡ килһен, тип теләйбеҙ! Берҙәмлек, татыулыҡ, ныҡлы рух менән тыныслыҡ яуларбыҙ тип ышанабыҙ.