Коммуналь хужалыҡҡа заманса техника ҡайтарылды

Коммуналь хужалыҡҡа – заманса техника! Бөгөн Баймаҡ ҡалаһының торлаҡ-коммуналь хужалығына дүрт махсус техника тапшырылды: фронталь тейәгес, МТЗ-82 һәм ике тейәгес-экскаватор. Улар Башҡортостан Республикаһы Башлығы Радий Хәбировтың төбәктәрҙә урамдарҙы, күп ҡатлы йорт ихаталарын ҡарҙан таҙартыу, төҙөкләндереү эштәрен алып барыу өсөн транспорт сараһы менән тәьмин итеү буйынса күрһәтмәһенә ярашлы тормошҡа ашырылды. Шуныһы һөйөнөслө, Баймаҡҡа махсус техника республикала иң беренсе булып тапшырылды.

Беҙҙең районға республика Башлығы Радий Хәбировтың айырым иғтибар күрһәтеүе ҡыуаныслы, шуның өсөн дә уға сикһеҙ рәхмәтлебеҙ! Был техника беҙҙең торлаҡ-коммуналь хужалыҡтары өсөн бик тә кәрәк. Районға килгән дүрт техниканың өсәүһе - Баймаҡ коммуналь хужалығына, ә берәүһе “Водоканал” предприятиеһына биреләсәк.

Мәғлүмәт һәм фотолар Баймаҡ районы хакимиәте башлығы Фәнис Әминевтың сәхифәһенән алынды.

Коммуналь хужалыҡҡа заманса техника ҡайтарылды

Автор:Гульдар Кадаева