Йылайырҙар яҙыусыларын ҙурлай

18 апрель Йылайыр районы хакимиәте, яҙыусы, Рәсәй Федерацияһының һәм Башҡортостандың Яҙыусылар һәм Журналистар Союздары ағзаһы, Башҡортостандың атҡаҙанған мәҙәниәт хеҙмәткәре, Башҡортостандың атҡаҙанған уҡытыусыһы, Шәһит Хоҙайбирҙин исемендәге Хөкүмәт, Рамаҙан Өмөтбаев исемендәге ҡала премиялары лауреаты, йәмәғәт эшмәкәре, "Атайсал" төбәк гәзитенең баш мөхәррире Хәйҙәр Тапаҡовтың юбилей һәм ижад кисәһен, "Йәшлеккә ҡайтыу" китабының исем туйын үткәрә. Өфөнән, күрше райондарҙан, Сибай, Баймаҡ ҡалаларынан мәртәбәле ҡунаҡтар саҡырылған. Кисә алдынан фойела Башҡортостан "Китап" нәшриәте башҡорт китаптарын һатыуҙы ойошторасаҡ. Инеү бушлай, кисәнең башланыу ваҡыты: 17 сәғәт. Рәхим итегеҙ!