+30 °С
Болотло
Замандаш
12 Сентябрь 2025, 11:00
Әсә йөрәге
Баймаҡ районы Урғаҙа ауылында йәшәүсе Наталья Васильевнаның улы махсус хәрби операцияла һәләк булған. Уның кисергәндәрен балаһын юғалтҡан әсә генә аңлайҙыр... Әсә йөрәге һыйҙырған һөйөү сикһеҙ. Наталья Васильевна Баймаҡтан «Соболь» позывнойлы егет госпиталдә ятҡанын, уның бер кеме лә булмауын белеп ҡалғас, уны үҙ ҡанаты аҫтына ала. Шул мәлдән Александр менән бәйләнеш тота. Наталья Васильевна бер туҡтауһыҙ уны һораша, хәлен белешә, ирекмәндәр аша посылка ебәрә.
Әсә йөрәге
Ә кисә тағы бер күңел йылытҡыс хәл була. Александр «Беҙ бергә» ирекмәндәр хәрәкәте етәксеһе Лилиә Такаеваның Урғаҙаға барырын белгәс, Наталья Васильевнаға гөлләмә ебәрә. Яугирҙең үтенесен үтәп, оло йөрәкле әсәгә сәскә бүләк итәләр.
Был ваҡиға көслө рух, кешелеклек символы. Ауыр мәлдәрҙә беҙҙең һәр кемебеҙ мохтаждарға ярҙам итеп, күңел йылыһын, киләсәккә өмөт бирә ала.
Һүрәттә: Наталья Васильевна һәм Лилиә Таҡаева.
