Үҙ-үҙенә һәйкәл ҡуйҙы!

Күренекле скульптор, Башҡортостан Республикаһының атҡаҙанған мәҙәниәт хеҙмәткәре, Р. Өмөтбаев исемендәге премия лауреаты Хәйҙәр Хәлидәр улы Ғарипов оҙаҡ йылдар Сибайҙа йәшәне, ижад итте. Сибай институты алдындағы мәшһүр шәхестәребеҙҙең бюстарының, Сибайҙағы, тыуған яғы Учалылағы, Әбйәлилдәге, Баймаҡтағы һәм башҡа төбәктәрҙәге ҡайһы бер һәйкәл-бюстарҙың авторы нәҡ ул. Әйткәндәй, бөгөн талантлы скульптор хөрмәтенә Сибай институтында музей асылды.

Сарала скульпторҙың ҡатыны, яҙыусы Таңсулпан Ғарипова, коллегалары, туғандары ҡатнашты. Бик матур сара булды. Әйтергә кәрәк, үҙ милләтен яратҡан, уның тарихын, мәҙәниәтен хөрмәт иткән Хәйҙәр Хәлидәр улы шәхестәребеҙгә һәйкәл эшләп ҡалабыҙҙы биҙәне, үҙенең эшен, яҡты эҙен ҡалдырҙы. Шул рәүешле ул үҙенә лә һәйкәл ҡуйып китте.

Шуныһы ҡыҙғаныс: уның идеялары күп ине. Күптәре тормошҡа ашмай ҡалды. Мәҫәлән, Өфөлә Урал батырға арналған һәйкәлдәр композицияһы эшләргә хыялланды ул...

Тулыраҡ мәҡәлә гәзитебеҙҙең киләһе һанында булыр.