Хәйҙәр Тапаҡовты ҡотлайбыҙ!

Бөгөн Сибай ҡалаһында уҙған Бөтә донъя башҡорттары ҡоролтайының "Башҡорт халҡының стратегик үҫеше" күсмә ултырышында тел, милләт, рухҡа ҡағылышлы бик күп мәсьәләләр ҡаралды. Сарала шулай уҡ ҡоролтай ҡарарҙарын тормошҡа ашырыу буйынса ныҡышмал эшмәкәрлеге өсөн бер төркөм йәмәғәт әүҙемселәренә Рәхмәт хаттары, Почет грамоталары тапшырылды. Улар араһында "Атайсал" гәзитенең баш мөхәррире Хәйҙәр Тапаҡовтың булыуы ҡыуаныслы.

-Бөгөн илем, телем, милләтем, мәҙәниәтем тип янған, ана шул рухи ҡиммәттәрҙе киләһе быуынға тапшырырға ынтылған, тырышҡан, бар көсөн һалған милләттәштәр менән ҡорҙа, йыйында ҡатнашып күңелем булды. Атап үткән ҡиммәттәрҙе ҡаурый ҡәләмем аша милләттәштәремә еткерәм, бар белгәнем ошо эш кенә. Шул ябай ижади шөғөлөмдө ололап, ҙурлап Бөтөн Донъя башҡорттары ҡоролтайының Почет грамотаһы менән билдәләнеләр,-- тип яҙҙы социаль селтәрҙә Хәйҙәр Ниғәмәт улы.

Сибай мәғлүмәт үҙәге хеҙмәткәре Рафаэль Мәхмүтов ҡоролтайҙың Рәхмәт хаты менән бүләкләнде.

Ҡотлайбыҙ!

Автор:Гульдар Кадаева

Читайте нас

Партнеры