Иң ҡәҙерле кешем

Донъялағы иң ҡәҙерле, оло йөрәкле, изге күңелле кешем ул—әсәйем—Исҡужина Фәрзиә Рафаэль ҡыҙы. Ул шундай уңған, эшһөйәр, кешелекле, кеселекле, ярҙамсыл. Уны хөрмәт итмәгән кеше юҡ. Беҙгә, өс балаға, ғүмер бүләк итеп, аяҡҡа баҫтырҙы. Әле булһа ла ярҙамынан, кәңәшенән ташламай. Күпләп ҡош-ҡорт тотоп, баҡса үҫтереп, атайым менән үҙ ҡаҙандарында ҡайнап йәшәйҙәр. Матур байрам—Әсә көнө уңайынан, ҡәҙерле кешемә ныҡлы һаулыҡ, оҙон ғүмер, күңел тыныслығы теләп оло рәхмәтемде еткерәм. Барыһы өсөн дә мең рәхмәт, Әсәй 

Хәйбулла районынан Әлфинә Ултраҡова.