Яугирҙәргә ярҙам күрһәткән

Сибайҙар алғы һыҙыҡтағы яҡташтарға ярҙам йыйыуҙан туҡтамай. Ҡалалаштар гуманитар ярҙам йыйыу штабына бер туҡтауһыҙ ҡорамалдар, йылы кейем, медикаменттар, аҙыҡ-түлек һәм башҡа кәрәк-яраҡ алып килә.

Ошо көндәрҙә Сибай ҡалаһы хакимиәте башлығы Арҡайым ҡасабаһынла йәшәүсе Факиһа Таһирова менән осрашты һәм яугирҙәргә ҙур күрһәткән оло йөрәкле ҡатын-ҡыҙға ҙур рәхмәт белдерҙе. Факиһа Шәрифулла ҡыҙы иҫке автомобилен утилгә тапшырып, аҡсаһына хәрбиҙәр өсөн рация һатып алыуға тотонған.

-Еңеүгә өлөш индергән һәр кемгә ҙур рәхмәт! Дөйөм көс менән генә дошманды юҡ итә аласаҡбыҙ! Матди, рухи яҡтан да яугирҙәрҙе дәртләндереп тороу һәр кемебеҙҙең изге бурысы,--тине Азамат Мырҙағәле улы.

Факиһа Таһирова яңғыҙы ике бала – ул һәм ҡыҙ тәрбиәләй. Ире фажиғәле вафат булғандан һуң ныҡлы рухлы ҡатын төҙөлөп бөтмәгән йортон төҙөп бөтөп инде. Һөнәре буйынса шәфҡәт туташы. Оҙаҡ йылдар Сибай поликлиникаһында медицина хеҙмәткәре булып эшләне.

Иҫегеҙгә төшөрәбеҙ:

1 августан Сибай ҡалаһында Рәсәй Федерацияһының Оборона министрлығы менән килешеү төҙөүселәргә бер тапҡыр түләнә торған түләү 1 миллион 5 мең һумға тиклем арттырылды.
Быға тиклем Рәсәй Президенты Владимир Путин илдең Хәрби көстәре сафында хеҙмәт итеүгә контракт төҙөүсе граждандарға бер тапҡыр бирелгән түләүҙең суммаһын 400 мең һумға тиклем арттырыу тураһында указға ҡул ҡуйғайны. Уғаса дәүләт ярҙамы 195 мең һум ине.
Шулай итеп, 2024 йылдың 31 декабренә ҡәҙәр Сибайҙа йәшәүселәр Рәсәй Оборона министрлығы менән махсус хәрби операцияла ҡатнашыу тураһында килешеү төҙөһә, 1 миллион 5 мең һум аҡса аласаҡ. Шуның 100 мең һумын урындағы бюджет, йәғни Сибай ҡалаһы хакимиәте бүлә, 505 мең һумы Башҡортостан Республикаһы Башлығы указына ярашлы түләнһә, 400 мең һумды Рәсәй Оборона министрлығы бирә.

#Сибай #СВО #помощьучастникамСВО