Беҙҙең ҡыҙҙар ҡурҡыу белмәй

Һуғыш ҡатын-ҡыҙ затынан булмаһа ла махсус хәрби операцияла гүзәл заттар ҙа бик күп ҡатнаша. Сибай үҙәк дауаханаһы етәкселеге ярты йыл дауамында Луганск өлкәһендәге госпиталдә яу яланынан сығарылған яралыларҙы баҡҡан, улар рухи яҡтан терәк булырға тырышҡан ике шәфҡәт туташы— Вәсилә Ирмәк ҡыҙы Шаһыбалова менән Екатерина Владимировна Таһированы ҡаршы алды. Шәфҡәт туташтары ҡыҫҡа ваҡытлы ялға ҡайтҡан. Улар алғы һыҙыҡтағы яугирҙәргә генә түгел, унда йәшәүсе ябай халыҡҡа ла медицина ярҙамы күрһәткән. -Оҙаҡ уйлағандан һуң иптәш ҡыҙым менән алғы һыҙыҡҡа барырға ҡарар иттек һәм Рәсәй Оборона министрлығы менән килешеү төҙөнөк. Өс көн эсендә йыйындыҡ та сығып киттек,--тип һөйләй Вәсилә Ирмәк ҡыҙы. –Оҙаҡ йылдар бала табыу йортонда эшләнем. Сабыйҙар донъяға килгән урында эшләү менән госпиталдә яралыларҙы бағыу эше ныҡ айырыла. Операция шәфҡәт туташы булараҡ, эшем еңелдән түгел. Госпиталдә яралыларҙы бәйләү кабинетында ла эшләнем. Башта ныҡ ҡыйын булды, барыһын да ташап ҡайтып китке килде. Тик кеше һәр нәмәгә өйрәнә икән. Был хәлгә лә күндем. Әлбиттә, балаларым мине һағына, әммә улар икеһе лә минең алғы һыҙыҡта кәрәк булыуымды яҡшы аңлай. Екатерина Владимировна Таһирова реанимацияла анестезиолог булып эшләгән.

-Ҡаты яралыларҙың ғүмерҙәрен ҡотҡарып ҡалыу өсөн тырыштыҡ. Медицина ярҙамына мохтаждар бик күп, ундайҙарҙы күреү шул тиклем ауыр. Араларында билдәһеҙ булғандар бар. Уларҙың яҡындарын табышырға ярҙам иттек.

-Беҙ унда булғанда даими рәүештә Сибайҙан гуманитар ярҙам килеп торҙо. Ҡала хакимиәте башлығы Азамат Юлдашбаев шәхсән ылау оҙатып килеп, беҙгә күстәнәстәр индереп китте.Үҙәк дауахана коллективынан посылкалар туҡтауһыҙ килде. Барыһына ла ҙур рәхмәт!—тине Вәсилә Шаһыбалова.

Әйткәндәй, ялында Вәсилә Шаһыбалова Сибай ҡала хакимиәтендә булып, Азамат Юлдашбаев менән дә осрашырға форсат тапты. Башлыҡ ҡыйыу ҡатынды намыҫлы хеҙмәте өсөн Рәхмәт хаты менән бүләкләне.

Шәфҡәт туташтары ялдарын ғаиләһе, дуҫтары, яҡындары менән уҙғарырға тырыша. Гүзәл заттарға көс-дәрт тупларға кәрәк. Ни тиһәң дә, алғы һыҙыҡта ҡайһы саҡ тәүлек буйына эшләргә тура килә. Башҡаса мөмкин дә түгел, сөнки яу яланында көн, төн тигән төшөнсә юҡ.
Унан уларҙы киләһе командировка көтә. Вәсилә Ирмәк ҡыҙы алғы һыҙыҡҡа сентябрь урталарында юлланһа, Екатерина Владимовна август аҙағында уҡ махсус хәрби операция биләмәһенә китте.

Гөлдәр Ҡадаева.

Автор:Гульдар Кадаева

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин