Автомобиль, мунса китте алғы һыҙыҡҡа

Алғы һыҙыҡҡа юлланған автомобилдәргә яҡындары махсус хәрби операцияла ҡатнашыусыларҙың ҡатындары, әсәләре, туғандары шәхсән посылкалар ҙа һалды. Генератор, бензин менән эшләүсе бысҡы, шәхси гигиена әйберҙәре, ҡайнатма, тоҙланған йәшелсә, картуф, приборҙар һәм башҡа нәмәләр ҙә урын алды.

Шәхси эшҡыуар Рөстәм Усейнов «Риша» ҡушаматлы яугиргә «Лада Приора» автомобиле ебәрҙе. «Балта» коворкингы етәксеһе Рәмил Билалов күсмә һыуытҡыс яһаған.
-Был юлы район хакимиәте һәм мәғәриф идаралығы разведка ротаһында хеҙмәт итеүсе мобилизацияланған ир-егеттәргә «Газель» автомобиле хәстәрләне. Был техника яу яланынан яралыларҙы алып сығыуҙа бик ныҡ ярҙам итә. Шулай уҡ яҡташтар һораған күп кенә әйберҙәр ҙә тупланды. Ылау имен-аман барып етеп, яугирҙәрбеҙгә тыуған яҡ күстәнәсенән тәмләп ауыҙ итергә, әйберҙәрҙе ҡулланырға яҙһын! Тиҙерәк еңеү яулап, имен-һау әйләнеп ҡайтыуҙарын теләйбеҙ!—тине Хәйбулла районы хакимиәтенең эштәр идарасыһы Салауат Байсурин, ылауҙы оҙатҡанда.

Иҫегеҙгә төшөрәбеҙ:

Махсус хәрби операцияла ҡатнашыусыларҙың барыһы ла герой!
Патриот юлын, яугир юлын, ысын ир-егет юлын һайла. Үҙебеҙҙекеләр менән ҡуша атла!
 Тулы мәғлүмәт башбат.рф сайтында. Белешмәләр өсөн телефондар +7 (347) 218-19-19 йәки 122