Баймаҡ районының Үрге Яйыҡбай башланғыс мәктәбендә ни бары һигеҙ уҡыусы белем ала.
Мәктәп янында балалар баҡсаһы ла эшләй. Уҡыусыларҙың һәм кескәйҙәрҙең сәләмәт туҡла-ныуына ашнаҡсы Лилиә апайҙары яуаплы. Лилиә Сирбаева икенсе йыл рәттән күрше ауылдан Үрге Яйыҡбайға йөрөп эшләй.
—Беҙҙең ашханала мәктәп балаларына ғына түгел, ә балалар баҡсаһына йөрөгән кескәйҙәр өсөн дә бешерелә. Көндәлек меню балалар өсөн бөтә талаптарға ярашлы итеп төҙөлә. Мәктәптә туҡланыу сифатлы һәм файҙалы булырға тейеш, тигән ҡағиҙәнән ситкә тайпылмайбыҙ. Ике аҙналык меню төҙөлә, ул бик бай, төрлөләндерелгән булыуы ме-
нән балаларға оҡшай. Улар беҙ бешергән ризыҡтарҙы бик яратып ашай, уларҙан ҡалған буш тәрилкәләрҙе күреү–беҙҙең эшкә үҙе ҙур баһа,—ти Лилиә Рафиҡ ҡыҙы.
Балаларҙы тәмле ризыҡтары менән һәр көн ҡыуандырған ашнаҡсы Лилиә Сирбаева барҙа,
ата-әсәләргә һис тә борсолорға кәрәкмәй.
К.Ишбулдина.