+30 °С
Болотло
Замандаш
14 Февраль 2024, 11:10
Башҡорттар-ҡыйыу халыҡ!
Тыуған илебеҙ киң һәм күп милләтле. Әлеге мәлдә махсус хәрби операция биләмәһендә 190-дан ашыу милләт вәкиле иңгә-иң терәп, неофашизмға ҡаршы көрәшә. Улар араһында беҙҙең башҡорт егеттәре ҡыйыулығы, батырлығы менән айырылып тора. Был хаҡта Хәйбулла районы Аҡъяр ауылының 2-се мәктәбендә уҡыусылар менән уҙған осрашыуҙа төбәккә эш буйынса килгән батальон командиры, “Тау” ҡушаматлы яугир һөйләне.
Башҡорттар-ҡыйыу халыҡ!
Ҡаһарманлыҡ дәресендә шулай уҡ “Башҡорт” ҡушаматлы яҡташыбыҙ ҙа ҡатнашты. Ул яраланғандан һуң тыуған яғына ҡайтып дауалау курсы үтә. Әйткәндәй, яуҙа күрһәткән батырлығы өсөн дәүләт наградаһына тәҡдим ителгән. “Тау” ҡуматалы яугиргә иһә сарала район хакимиәте башлығы Рөстәм Шәрипов генерал Шайморатов миҙалын тапшырҙы. Офицер Миңлеғәле Шаморатовтың биографияһын һәм хәрби юлын бик яҡшы белә. Ул шулай уҡ хәйбуллаларҙың ҡунаҡсыллығына һоҡланды. Еңеү менән әйләнеп ҡайтҡас, был тарафтарға тағы килергә йыйына.
