Ысын ир-егеттәр!

Республика Башлығы Радий Хәбиров: "Был тырыш егеттәр өсөн барлыҡ уңайлы шарттар тыуҙырырға тырышабыҙ. Шуға ла йыл һайын Башҡортостанда колледждар һәм ятаҡтар реконсрукциялана. Урта һөнәри белем биреү өлкәһенә ярҙам итәсәкбеҙ, сөнки эшсе һөнәр эйәләре—слесарҙар, наладчиктар, токарҙар һәм башҡа эшселәр етешмәй. Минең эргәлә торған егет Артем Горюнов, тракторсы, «Йәш профессионалдар (Ворлдскиллс Рәсәй)» конкурсы призеры. Ул Баймаҡ районындағы Урал аръяғы агросәнәғәт колледжының өсөнсө курсында ғына уҡыһа ла производство буйынса уҡытҡан мастерына уҡытырға ярҙам итешә. Пландары менән ҡыҙыҡһынғас, ул башта әрме хеҙмәтен үтәсәген, шунан ғына һөнәре буйыса эшкә урынлашасағын белдерҙе.

Ысын ир-егеттәр!

Икенсе егет—Ислам Килдин, ул да ошо уҡ колледждың өсөнсө курс студенты. «Абилимпикс» конкурсында көсөн һынап ҡараған Ислам Башҡортостанда үҙ тиҫтерҙәре араһында иң шәп иретеп йәбештереүсе булып танылған.

Егеттәр менән бер төркөмдә уҡыған рәшит Ғәбитов әрмегә барғандан һуң, контракт буйынса хеҙмәт итергә уйлай.

Был йәштәр—ысын ир-егеттәр, ер эшен яратыусылар һәм илебеҙ терәктәре. Улар менән сикһеҙ ғорурланам һәм Урал аръяғының агросәнәғәт колледжы уҡытыусыларына шундай илһөйәр һөнәр эйәләре тәрбиәләгәндәре өсөн ҙур рәхмәт белдерәм!