Хәйбулла егете гран-при яуланы!

Кисә Өфөлә "Минең Рәми" төбәк-ара шиғриәт конкурсының гала-концерты уҙҙы.Ярыш 2022 йылдың 12 февралдә, шағирҙың тыуған көнөндә, башланды һәм өс этапта уҙҙы. 800-ҙән ашыу ҡатнашыусылар араһында финалға үтеп, әлеге көндә район мәҙәниәт йортонда ең һыҙғанып эшләп йөрөүсе һәләтле Хәйбулла егете - Тимур Сынбулатов гран-при яуланы һәм 100 000 һумлыҡ сертификат менән бүләкләнде!

Тимурҙы ихлас күңелдән ҡотлайым, киләсәктә лә ижади уңыштар, яңы үрҙәр теләйбеҙ! Афарин!
Мәғлүмәт һәм фото Хәйбулла районы хакимиәте башлығы Рөстәм Шәрипов диуарынан.

Автор:Гульдар Кадаева