Бөтә яңылыҡтар
Замандаш
9 Март , 21:35

Яҡты эҙе ҡалды

Кемдер тормош ауырлыҡтары, һынауҙары алдында юғалып ҡала, артабан йәшәп китерҙәй сәбәп таба алмай аҙаплана. Шундай кешеләргә рухи көс һәм йән аҙығы булырҙай "Бәйге ғүмер" китабы сығарған яҡташыбыҙ Таңһылыу Йәнтүрина. Мәғариф ветераны Таңһылыу Йәнтүрина сәсмә әҫәрҙәр генә түгел, шиғырҙар яҙыуға ла әүәҫ. Китап сығарыуға уны бер туған ағаһының тормошо этәрә. Эшҡыуар Вилүр Зиннәт улы Рәхимғоловтың һаулығы мөмкинлектәре сикле булһа ла, ул эшҡыуарлыҡ менән шөғөлләнә Уның Баймаҡ кәсепселек үҙәге ваҡытында Урал аръяғын ғына түгел, тотош республиканы милли кейемдәр, тирмәләр, башҡорт сувенирҙар һәм башҡа халҡыбыҙ кәсептәрендә ҡулланылған кәрәк-яраҡ менән тәьмин итте.

Яҡты эҙе ҡалды
Яҡты эҙе ҡалды

Сибай моделле крайҙы өйрәнеү китапханаһында үткән китаптың исем туйында эшҡыуар хаҡында бик күп йылы һүҙҙәр әйтелде.

Әҫәрҙә тормошо сағылған Вилүр Зиннәт улы һәр ваҡыт "Кешенән яҡты эҙ ҡалырға тейеш!" тип ҡабатларға яратҡан. Баймаҡ районының Юлыҡ ауылында тыуған, Ишбирҙенең һыуын эсеп, саф урман һауаһын һулап,тәбиғәтенән рух көсө алып үҫкән шәхестең ғүмере юлы берәүҙе лә битараф ҡалдырмай. Китап Сибай һәм Баймаҡ ҡалаһы магазиндарында һатыуҙа бар. Әлеге ваҡытта Таңһылыу Йәнтүрина "Хаж сәфәре" йыйынтығы өҫтөндә ныҡышмал эшләй.

 

 

ә һеҙ Вилүр Зиннәт улын белә инегеҙме?
эйе
юҡ
Яуап
Автор:Гульдар Кадаева