Балаңдың саңын борҡотма!

Балаңдың саңын борҡотма!

Борон әбейҙәр аят сәйенә саҡырышып, ҡәйнәләр килендәре менән бергә йөрөр булған. Был бушҡа ғына түгелдер. Йәш быуынды үҙ арттарынан эйәртергә, белгәндәрен өйрәтеп ҡалырға тырышҡан улар. Ләкин ҡунаҡ-мәжлестәргә балаларын алып килеүселәрҙе өнәп еткермәгәндәр.

Сиратлашып саҡырыу Хәмдиә әбейгә лә килеп етә. Ҡәйнәһе менән килгән йәш килендең сабыйын да алып килеп, һикертеп ултырғанын күргәс, хужабикә:

--Ҡуйсы, Сабира килен, балаңдың саңын борҡотма,--тигән.

Йәш әсә нимә тиергә лә белмәй:

--Йыуындырып ҡына алып килгәйнем ул,--тип әйткән ти.