СӘЛӘХТӘР БУЛДЫРА УЛ!

Тик ултырмаҫ халыҡ булды был сәләхтәр! «Айыҡ ауыл» республика конкурсында беренсе урын алып, инде генә лә ял итерҙәр тиһәк, юҡ инде, эш табып ҡына торалар! Быйыл Йылайыр районы Сәләх ауылына нигеҙ һалыныуға 95 йыл тула икән. Ошо уңайҙан бик шәп идеялары тыуған!

—Сәләх ауылына нигеҙ һалыусы уҙаман Сәләх Мортаевтың йәшәгән йортон тергеҙеү эштәре башланды. Семәрле, зауыҡлы был өй ошо көнгә тиклем һаҡланып ҡалған.

Быйыл ауыл үҙенең 95 йыллыҡ юбилейын ҡаршылай. Шул уңайҙан сәләхтәр уны музей итеп төҙәтмәксе. Был ниәт электән бар ине, йәшәп килә ине. Сәләх олатай мәрхүмдең ейән-ейәнсәрҙәре, уландары, ҡыҙҙары ошо изге эшкә башланғыс һалды,—тип яҙалар социаль селтәрҙә.

Сәләхтәр бергәләп өмә лә башлаған икән. Афарин! Булдыра ул сәләхтәр!

Автор:Резеда Валиева

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин