Яңы йыл күстәнәсе

-Махсус хәрби операцияла ҡатнашыусы яҡташтарыбыҙҙы хәстәрләү һәм кемдең изге бурысы. Милли ризыҡты эшләп бөткәс тә туңдырҙыҡ һәм алғы һыҙыҡҡа киткән ылауға тейәнек. Яңы йыл күстәнәсебеҙ тыуған яҡ сәләмен, тәмен алып барып еткерһен,--ти ҡаланың ҡатын-ҡыҙҙар ойошмаһы рәйесе Сәжидә Ғәниева.-Йылҡы ите бик туҡлыҡлы, уны ашаған кеше өшөмәй тиҙәр. Беҙҙең халыҡ бит итһеҙ тора алмай, көс-ғәйрәтте лә бит ирҙәр иттән ала. Яугирҙәребеҙ имен-һау булһын, дошманды еңеп ҡайтһын, ныҡ булһындар, тип изге теләктәр теләп башҡарҙыҡ эште. Ҡаҙы ла, тушенкалар ҙа ризыҡҡа яҙһын!

Әйткәндәй, сираттағы гуманитар ярҙамды сибайҙар ай ярым дауамында йыйҙы. Посылкаларға тиҙ боҙолмай торған аҙыҡ-түлектән тыш, күберәк йылы әйберҙәр, ир-егеттәр һораған кәрәкле материалдар, ҡоролмалар һалынды.

Әйткәндәй, яҡташтарға һәр кем күстәнәс, әйберҙәр ебәрә ала. Посылкаларҙы Сибай ҡала хакимиәтенә, махсус хәрби операцияла ҡатнашыусыларға һәм уларҙың ғаиләләренә ярҙам итеү үҙәгенә, “Тиҫтер” клубында эшләгән Миңлеғәле Шайморатов исемендәге ирекмәндәр штабына алып барырға мөмкин.