Оҫталығы хайран итә

Ошо күҙҙең яуын алып торған матурлыҡтың авторы кем тип уйлайһығыҙ? Был гүзәллеге менән һоҡландырған Ҡыш бабай менән Ҡарһылыуҙы Баймаҡ районының Сәйғәфәр ауылынан Фирғәт Һиҙиәт улы Истәков үҙ ҡулдары менән эшләгән. Уның оҫталығына хайран ҡалырлыҡ.

Тырыш һәм әүҙем рәсем уҡытыусыһы йортон да сын яһау итеп эшләп ултыртҡан. Бынан тыш, ауылда һәм мәктәптә үткәрелгән барлыҡ сараларҙы ойоштороусы ла, һәр береһендә ихлас ҡатнашыусы ла ул. Ауылды төҙөкләндереү эштәрен ойоштороуҙа ла әүҙемлек күрһәтә Фирғәт Һиҙиәт улы.