Кем була ул Һомай?

БСТ каналы алып барыусыһы, башҡорт һылыуҡайы Лилиә менән билдәле эшҡыуар, блогер Денис Өмөтбаевтарҙың икенсе ҡыҙҙарына исем ҡушыу тарихын мин дә яҡындан ишетеп беләм. - Тиҙҙән Һомай тигән исем ныҡ популяр, барса донъя телендә буласаҡ тип алдан күҙаллап ҡысҡырылғайны был сабыйҙың ҡолағына аҙан. Замандан бер аҙым алда йәшәү өлгөһө тап шул булған да! 👌🤗💯 Йәштәр ҡыҙҙарына бәхетле яҙмыш, ҡотло ғүмер юрап тоғролоҡ һәм матурлыҡ символы булған исемде ҡуша. Һәм... бәпестең йәше тулып үтеүгә ысынлап та, Һомай образы бөгөн ҡитғаларҙы яулай.

💥Йәш парҙың бәләкәй ҡыҙҙары Һомайға арнап төшөргән клибын да мин мөхәббәт, наҙ һәм ғаилә ҡиммәттәре менән һуғарылған ысын хазина тип ҡабул иттем. Уны ҡараған һәр кем, бала саҡтың сафлығын, ата-әсә ҡосағының йылыһын тойғандай була. Һомайҙың нуры - бар донъяға яҡтылыҡ сәсә! Клиптағы һәр мәл үҙе бер әкиәт, мөғжизә булып күҙ алдына баҫа. Ә атаһы менән әсәһенең һөйөү тулы ҡарашы ошо мөғжизәне һаҡлаусы, уға йән өрөүсе көс кеүек. Ысын Ҡояш һәм Самрауҙың үҙе!!! Һомайға йондоҙло оҙон ғүмер, бәхетле яҡты киләсәк теләйбеҙ! Ата-әсәһенә, иленә шәп ҡыҙ, шулай уҡ "Урал батыр" эпосындағы образдан - Айһылыу исемен йөрөткән апаһына иш булып үҫһен!

Ҡош теле төркөмөнән алынды.

Рәйлә Күсемханова.