АТАЙСАЛ
+17 °С
Болотло
Антитеррор
Бөтә яңылыҡтар
Тәрбиә
23 Ғинуар 2023, 20:40
Тормошоғоҙҙоң тик яҡшы яҡҡа үҙгәреүен теләһәгеҙ
Ҡайһы бер әсәйҙәр ҡыҙҙарында — буласаҡ килендәрҙә — башҡорт ҡатын-ҡыҙҙарына хас һыҙаттарҙы тәрбиәләмәй. Ғөмүмән, тәрбиәһеҙлек бер ҡатын-ҡыҙҙы ла биҙәмәй инде ул. Түбәндәге ябай ғына әҙәп талаптарын үҙегеҙ ҙә үтәгеҙ һәм ҡыҙҙарығыҙҙы ла өйрәтегеҙ: Башҡорттарҙа кеше йортона күстәнәсһеҙ инмәйҙәр, үҙ йортоңа ингән кешене лә күстәнәсһеҙ сығармайҙар. Ғөмүмән, кешегә ауыҙ тотоп килеп сәй эсергә ултырыу — тәрбиәһеҙлек. Аҡса юҡлыҡҡа һылтанмағыҙ. Яҡшы хужабикәнең шкафында һәр ваҡыт бер әсмүхә сәй, бер ус кәнфит булһа ла ята. Ҡәйнә-ҡайны йортона үҙ ҡулығыҙ менән бешергән күстәнәстәр тотоп барһағыҙ, ирегеҙ һеҙгә рәхмәтле булыр, ҡайны-ҡәйнәгеҙ ҙә яратып ҡына торор.
Тормошоғоҙҙоң тик яҡшы яҡҡа үҙгәреүен теләһәгеҙ
💟 Байрамдар йыл да бер үк ваҡытта килә. Бүләктәрҙе алдан хәстәрләргә өйрәнегеҙ. Яңы йыл, тыуған көн, 23 февраль, 8 март, әсәйҙәр көнө, атайҙар көнө кеүек байрамдарҙа яҡын кешеләреңде (үҙ ғаилә ағзаларың, үҙ туғандарың, ҡайны-ҡәйнәң, иреңдең бер туғандарын һәм уларҙың балаларын) бүләкләү фарыз. Ҙур бүләктәрҙе юбилейҙарға әҙерләйҙәр. Башҡа байрамдарҙа осһоҙло, әммә кәрәкле әйбер бүләк итергә була. Байрамдарҙа кешегә буш ҡул менән барыу ҙа — тәрбиәһеҙлектең бер билдәһе. Яулыҡ, ойоҡбаш, крем, шампунь, һабын, таҫтамал кеүек әйберҙәр һәр хужабикәнең һандығында ята. Бик булмаһа, бүләк йөҙөнән шуларҙы булһа ла тотоп барырға кәрәк. Йыраҡта йәшәһәгеҙ, шылтыратып ҡотлап тороғоҙ. Бүләкте аҙаҡ тапшырырһығыҙ.
💟 Үҙеңдән олораҡ кешегә ингәндә, сәй өҫтәле әҙерләргә булышлыҡ ит. Түргә саҡырғандарын көтөп ултырма. Сәй эскәндән һуң һауыт-һабаны йыуырға тәҡдим ит.
💟 Ҡәйнә йортона килеп, сәй яһап биргәнен көтөп ултырыу — килешкән эш түгел. Килен кеше үҙе сәй ултыртыша, сәй яһай, аҙаҡтан өҫтәлде йыйыштырып ҡуя.
💟 Килен кеше өсөн иң ояты - ялҡаулыҡ. Ҡәйнәгеҙгә ялға килеп, бот күтәреп ятаһығыҙ икән, ирегеҙ өндәшмәһә лә күңеленә һеңдереп йөрөй, асыуын ҡасан булһа ла сығарасаҡ. Иҙән йыуыу, саң һөртөү, өйҙө йыйыштырыу, ашарға бешереү кеүек эштәрҙе, әлбиттә, килен кеше башҡара. Ҡәйнә-ҡайынбикәләрҙе егеп, телефон тотоп ятыу —тәрбиәһеҙлек кенә түгел, оятһыҙлыҡ.
💟 Ҡәйнә йортонда өмә, ҙур ҡунаҡҡа әҙерләнеү, сезонлы эштәр (бесән, бәрәңге, өй йыуыу һ.б.) ваҡытында, әлбиттә, алғы һыҙыҡта килен йөрөргә тейеш.
💟 Иң мөһиме, үҙ йортоғоҙҙа яҡшы хужабикә булығыҙ. Өйҙөң таҙа-бысраҡ булыуы тик ҡатындың елкәһендә. Ашарға бешереү кеүек изге эште күңел һалып, асыҡ сырай менән башҡарығыҙ. Өҫтәлегеҙ һәр ваҡыт тулы булһын. Ас ир — асыулы ир. Иреңдең, балаларыңдың өҫ-башын таҙа тотоу ҙа һинең бурыс, ҡатын-ҡыҙ.
Ошо ябай ғына шарттарҙы үтәп ҡарағыҙ. Ирегеҙҙең, яҡындарығыҙҙың һеҙгә ҡарата ихтирамы артыр. Тормошоғоҙ тик яҡшы яҡҡа үҙгәрер.
«Яҡшы ҡатын - өй ҡото, ир яҡшыһы - ил ҡото» төркөмөнән.
* Автор менән килешәһегеҙме? ✍
Автор:
Гульдар Кадаева
💟 Байрамдар йыл да бер үк ваҡытта килә. Бүләктәрҙе алдан хәстәрләргә өйрәнегеҙ. Яңы йыл, тыуған көн, 23 февраль, 8 март, әсәйҙәр көнө, атайҙар көнө кеүек байрамдарҙа яҡын кешеләреңде (үҙ ғаилә ағзаларың, үҙ туғандарың, ҡайны-ҡәйнәң, иреңдең бер туғандарын һәм уларҙың балаларын) бүләкләү фарыз. Ҙур бүләктәрҙе юбилейҙарға әҙерләйҙәр. Башҡа байрамдарҙа осһоҙло, әммә кәрәкле әйбер бүләк итергә була. Байрамдарҙа кешегә буш ҡул менән барыу ҙа — тәрбиәһеҙлектең бер билдәһе. Яулыҡ, ойоҡбаш, крем, шампунь, һабын, таҫтамал кеүек әйберҙәр һәр хужабикәнең һандығында ята. Бик булмаһа, бүләк йөҙөнән шуларҙы булһа ла тотоп барырға кәрәк. Йыраҡта йәшәһәгеҙ, шылтыратып ҡотлап тороғоҙ. Бүләкте аҙаҡ тапшырырһығыҙ.
💟 Үҙеңдән олораҡ кешегә ингәндә, сәй өҫтәле әҙерләргә булышлыҡ ит. Түргә саҡырғандарын көтөп ултырма. Сәй эскәндән һуң һауыт-һабаны йыуырға тәҡдим ит.
💟 Ҡәйнә йортона килеп, сәй яһап биргәнен көтөп ултырыу — килешкән эш түгел. Килен кеше үҙе сәй ултыртыша, сәй яһай, аҙаҡтан өҫтәлде йыйыштырып ҡуя.
💟 Килен кеше өсөн иң ояты - ялҡаулыҡ. Ҡәйнәгеҙгә ялға килеп, бот күтәреп ятаһығыҙ икән, ирегеҙ өндәшмәһә лә күңеленә һеңдереп йөрөй, асыуын ҡасан булһа ла сығарасаҡ. Иҙән йыуыу, саң һөртөү, өйҙө йыйыштырыу, ашарға бешереү кеүек эштәрҙе, әлбиттә, килен кеше башҡара. Ҡәйнә-ҡайынбикәләрҙе егеп, телефон тотоп ятыу —тәрбиәһеҙлек кенә түгел, оятһыҙлыҡ.
💟 Ҡәйнә йортонда өмә, ҙур ҡунаҡҡа әҙерләнеү, сезонлы эштәр (бесән, бәрәңге, өй йыуыу һ.б.) ваҡытында, әлбиттә, алғы һыҙыҡта килен йөрөргә тейеш.
💟 Иң мөһиме, үҙ йортоғоҙҙа яҡшы хужабикә булығыҙ. Өйҙөң таҙа-бысраҡ булыуы тик ҡатындың елкәһендә. Ашарға бешереү кеүек изге эште күңел һалып, асыҡ сырай менән башҡарығыҙ. Өҫтәлегеҙ һәр ваҡыт тулы булһын. Ас ир — асыулы ир. Иреңдең, балаларыңдың өҫ-башын таҙа тотоу ҙа һинең бурыс, ҡатын-ҡыҙ.
Ошо ябай ғына шарттарҙы үтәп ҡарағыҙ. Ирегеҙҙең, яҡындарығыҙҙың һеҙгә ҡарата ихтирамы артыр. Тормошоғоҙ тик яҡшы яҡҡа үҙгәрер.
«Яҡшы ҡатын - өй ҡото, ир яҡшыһы - ил ҡото» төркөмөнән.
* Автор менән килешәһегеҙме? ✍