АТАЙСАЛ
-15 °С
Болотло
Антитеррор
Бөтә яңылыҡтар
Тәрбиә
18 Ноябрь 2022, 09:25

Изге йома хәйерле булһын!

Изге йома хәйерле булһын!Намаҙҙың ыңғай йоғонтоһон тәүге көндән үк тойорһоғоҙ, дуҫтарымНамаҙ - Аллаһ менән икәүҙән - икәү генә ҡалып һөйләшеү. Уны тейешенсә уҡып бөтөп, кешегә һөйләмәҫ серҙәреңде раббыңа сисһәң, Ул тыңлар, аңлар. Сөнки Аллаһ бар итеүсе, аңлаусы, кисереүсе

Изге йома хәйерле булһын!
Изге йома хәйерле булһын!

*. *. *
Әгәр кеше Аллаһы Тәғәләне танып «Ләә иләәһә илләллаһ», — тип әйтһә, уға намаҙ уҡыу фарыз була.
Намаҙҙың үҙ шарттары бар:
✅ Намаҙ ваҡытының кереүе.
Һәр намаҙҙы үҙ ваҡыты ингәс уҡыйҙар, ә ваҡытынан алда түгел.
✅ Тәһәрәтле булыу.
✅ Ғәүрәтте ҡаплау.
Ир-егеттәргә – кендектән алып тубыҡтарҙың аҫҡы тәнгәленә тиклемге тән өлөшөн, ә ҡатын-ҡыҙҙарға – йөҙҙән һәм ҡул суҡтарынан башҡа бөтә тәнде ҡаплау тейешле.
✅ Кейемдең, тәндең һәм намаҙ уҡый торған урындың нәжестән таҙа булыуы.
✅ Ҡиблаға табан боролоп баҫыу.
✅ Сүтрә (кәртә).
Алда йә стена, йә бағана, йә эйәр бейеклегендәй берәй әйбер булырға тейеш – намаҙ уҡыусы алдынан бер кем дә үтмәһен өсөн. Ә сүтрә артынан үтергә ярай.
✅ Ниндәй намаҙ уҡырға йыйынғаныңды эстән ниәт итеү.
Аллаһ рәсүле Мөхәммәт пәйғәмбәр صلى الله عليه وسلم былай тигән: «Ислам биш терәккә нигеҙләнгән: Аллаhтан башҡа илаһ юҡ, hәм Мөхәммәт – Аллаһтың рәсүле, тип шәһәдәт итеү, намаҙ уҡыу, зәкәт биреү, хаж ҡылыу һәм Рамаҙан айында ураҙа тотоу».
Өй ҙә төп биш нәмәнән ғибәрәт: нигеҙ, диуар (стена), иҙән, түбә hәм ҡыйыҡ.
Әгәр сағыштырып күрһәтһәк, үҙеңде мосолман тип шаһитлыҡ итеү – ул Исламдың нигеҙе була, ә көндәлек биш намаҙ – уның диуары. Өй бер нисек тә диуарҙан башҡа була алмаған шикелле, Ислам да намаҙҙан башҡа була алмай.

Автор:Гульдар Кадаева