Өс доға

"Мин бер доға ла белмәйем", - тигән кешеләрҙе йыш осратырға тура килә. Ә бит тормоштағы бөтә осраҡтарға ла тап килгән ябай һәм ҡыҫҡа ғына өс доға бар.

Беренсеһе – Аллаға шөкөр!
Аллаһы Тәғәләгә шөкөр итерлек нәмәләр һәр беребеҙҙә лә етерлек (теребеҙ, йөрөйбөҙ, күрәбеҙ, ишетәбеҙ, тамағыбыҙ туҡ, өҫтөбөҙ бөтөн һәм башҡалар).

Икенсеһе – Аллам, кисер!
Аллаһы Тәғәләнең ярлыҡауын һорарлыҡ гонаһтар ҙа һәр беребеҙҙә етерлек (тормошҡа зарланабыҙ, кеше һөйләйбеҙ, үҙ-ара талашабыҙ, тәкәббер ҡыланабыҙ һмә башҡалар). Тәүбәгә килеү беҙҙе Хоҙайға яҡынайта, тимәк, көсөбөҙҙө арттыра.

Өсөнсөһө – Аллам, ярҙам ит!
Бер эш тә Аллаһы Тәғәләнең ярҙамынан һәм ризалығынан тыш эшләнмәй.

Һәм бына шулай: нимә генә булһа ла... Ошо ябай, әммә ҡөҙрәтле һүҙҙәр оҙон көнөгөҙҙө тотошлай доғаға әйләндерер. Амин!