Республика этабына сибайҙар үтте!

Бөгөн балалар ижады үҙәгендә «Бала саҡтың хәүефһеҙ юлдары» тип исемләнгән КВН конкурсының төбәк этабы үтте. Унда Сибай, Баймаҡ ҡалаларынан һәм Хәйбулла, Ейәнсура райондарынан 4 команда көс һынашты. Командаларҙың ныҡлы әҙерлеген, телгә маһирлығын һәм, әлбиттә, ҡыҙыҡлы сығыштарын жюри ағзалары баһаланы. Шулай итеп, беренсе урынға Сибай ҡалаһының 9-сы лицейынан «Без тормозов» (капитаны Тимур Байрамғолов) командаһы яуланы. Икенсе урынға Баймаҡ лицей-интернатынан «Йылмайлик» (капитаны Илвир Сөләймәнов), өсөнсө урынға Ейәнсура районының «Ейәнсура акценты» (капитаны Рәлиф Бикташев) сыҡты.

Еңеүсе команда КВН-дың республика этабында сығыш яһаясаҡ. Уларға уңыштар теләйбеҙ!