* Бер-берегеҙҙе ҡараштан, ым-ишаранан аңлап өйрәнегеҙ.
* Бер-берегеҙҙең йөрәгенә төйөн булырҙай һүҙ әйтеүҙән тыйылығыҙ.
* Тыныс саҡта кем дә аҡыллы, ҡыҙған саҡта аҡылыңды тотоу аҡыл.
* Бер-берегеҙҙең атаһы, әсәһе, туғандары тураһында насар фекер әйтмәгеҙ.
* Ғәфү итә белегеҙ. Үпкәләшеүҙе оҙаҡҡа һуҙмағыҙ. Бер-берегеҙҙе аңлап өйрәнегеҙ - уның өсөн үҙеңде ишең урыныңа ҡуйып ҡарау отошло.
* Бер-берегеҙҙең холҡон үҙгәртергә тырышмағыҙ. Һәр ҡайһығыҙ үҙ холҡон ҡулайлаштырһа, яҡшыраҡ булыр.
* Тәүге һынауҙан уҡ һығымта яһарға ашыҡмағыҙ.
* Ут ғәйрәтен һыу баҫа. Берегеҙ дөрләгәндә, икенсегеҙ өндәшмәгеҙ.