Йәшелерәк булһын Йылайыр!

Республикала халыҡты берләштергән ағастар һәм ҡыуаҡтар ултыртыу буйынса «Йәшел Башҡортостан» акцияһын үткәреү матур йолаға әүерелде. Унан Йылайыр районы ла ситтә ҡалманы—экологик сарала ҡатнашты.

 Йылайырҙар менән бергә акцияға Башҡортостан Республикаһының Ғаилә, хеҙмәт һәм халыҡты социаль яҡлау министры урынбаҫары Азат Марат улы Арыҫланов, шулай уҡ ойошма, предприятие хеҙмәткәрҙәре һәм урындағы халыҡ ҡушылды.

 Яҙғы ҡояшлы көн бөтә ҡатнашыусыларға ла ыңғай эмоциялар, энергия һәм аралашыуҙан шатлыҡ килтерҙе.