Хәйбуллала яугирҙәр аллеяһы

Хәйбулла районы «Йәшел Башҡортостан» экологик акцияһы сиктәрендә ағастар ултыртты.

 400-ҙән ашыу төрлө йәш үҫенте, шул иҫәптән пирамидаль тирәк, миләш, күк шыршы, ҡайын, йүкә, ҡарағай, уҫаҡ һәм балан ултыртылған. Район үҙәгенең төньяҡ-көнсығыш паркында 30 күк шыршы ултыртыу айырыуса әһәмиәткә эйә була. Был ылыҫлы һылыуҡайҙар Махсус хәрби операцияла ҡатнашыусыларға арналған аллеяға нигеҙ һала: батырлыҡ, сыҙамлыҡ һәм Ватаныбыҙҙы һаҡлаған геройҙар тураһында хәтер символына әүерелә.