Йәмәғәт биләмәһе барлыҡҡа киләсәк

2024 йылда федераль программа ярҙамында Темәстә «Башҡортостан Республикаһының беренсе баш ҡалаһының йөрәге» тип аталған йәмәғәт биләмәһен төҙөкләндереүҙең тәүге этабы тамамланған. Проект сиктәрендә 390 квадрат метр уйын һәм спорт майҙансығы булдырылған, беседкалар, бәләкәй архитектура формалары, сүп-сар һауыттары, яҡтыртҡыстар ҡуйылған, ағастар ултыртылған.

Темәс ауылы 1919 йылда барлыҡҡа килгән Башҡорт Совет Республикаһының тәүге баш ҡалаһы була, шуға күрә төҙөкләндерелгән яңы йәмәғәт киңлегенә исем һайлау талап ителмәгән.

Программаның икенсе этабы 2025 йылда тормошҡа ашырыласаҡ. Уның сиктәрендә улар административ бина алдында туҡталҡа булдырыу, баҙар эргәһендәге магазин биләмәһен яңыртыу һәм сауҙа өсөн айырым урындар йыһазландырыу, шулай уҡ машиналар ҡуйыу урындарын булдырыу, йәйәүлеләр өсөн асфальт-бетон тротуар һалыу планлаштырыла.

Башҡортостанда «Тормош өсөн инфраструктура» милли проектының «Уңайлы ҡала мөхитен формалаштырыу» федераль проекты арҡаһында быйыл 94 йәмәғәт киңлеге төҙөкләндерелә, ә 2019 йылдан 2024 йылға тиклем 806 биләмә төҙөкләндерелгән.

Яңыртылған милли проекттар Рәсәй Федерацияһы Президенты Владимир Путин ҡарары буйынса 2025 йылдан тормошҡа ашырыла.

К.Ишбулдина.