Күсейҙәр улдарын онотмаҫ!

—22 ноябрь Советтар Союзы Геройы Тәфтизан Таһир улы Миңлеғолов исемендәге Күсей төп белем биреү мәктәбендә мөһим саралар үтте. Уҡыусыбыҙ, йырсы, Башҡортостандың атҡаҙанған артисы Әлфир Вафир улы Замановҡа стенд асыу, хәрби операцияла һәләк булған уҡыусыларыбыҙ Саптаров Нурийән Нуриәхмәт улы һәм Кинйәбаев Таһир Юлай улына арнап, «Герой парталары» асыу тантанаһын үткәрҙек.

Әлфир махсус хәрби операцияһы башланыу менән мобилизацияға эләгеп, хәрби хеҙмәткә алына. Әлеге көндә лә ул махсус концерт бригадаһы составында хеҙмәт итә.

Нурийән менән Таһир 2022 йылдан алғы һыҙыҡта булып, Луганск өлкәһенең Серебрянск урмансылығы йүнәлешендә, Донецк өлкәһенең Авдеевка ҡалаһы йүнәлешендә 428-се мотоуҡсылар полкы сафында хәрби алыштарҙа ҡатнаша. 2024 йылдың март - апрель айҙарында батырҙарса һәләк булдылар. Тыуған ил алдындағы хәрби ҡаҙаныштары өсөн Рәсәй Федерацияһы Оборона министрлығының 2-се дәрәжә “Хәрби ҡаһарманлыҡ өсөн”, Башҡортостан республикаһының “Генерал Шайморатов” исемендәге, 428-се полктың миҙалдары менән, Рәсәй Федерацияһы президенты указы менән үлгәндән һуң “Ҡаһарманлыҡ ордены” менән наградландылар. Герой улдарыбыҙ мәңге хәтерҙә!--тип яҙала интернеттағы социаль селтәрҙә күсейҙәр.