ОКРГУТАР ЯРЫШТЫ

Мерәҫ ауылының "Еңеү" паркында "Сәләмәт ауыл-2024" район конкурсы сиктәрендә, Йәнтурин Айрат Фәтхулла улының яҡты иҫтәлегенә арналған биләмә округтары араһында мини-футбол ярышы булып үтте. Ярышта барлығы 6 команда: "Шишмә", "Ирәндек", "С.Юлаев", "Аҡминде", "Парк" һәм "Мәктәп" округтары командалары ҡатнашты.
Уйын сәмле барҙы, уйынсылар ихлас әҙерләнеп килеп ҡатнаштылар, һәр округтан көйөрмәндәрҙең күп булыуы, дәртләндереп тороуы уйынға тағы ла йәм өҫтәп ебәрҙе. Бик матур байрам, хәтер һәм ял кисәһе булды бөгөнгө сара.
Төп спонсор булып Айрат Фәтхулла улының ҡатыны Фәрхәнә Ғәрифулла ҡыҙы, уның балалары, бер туғандары, Ғилман Риза улы, Таңсулпан Миңлеәхмәт ҡыҙы һәм дуҫтары булды.
Ярыш булғас еңеүселәр ҙә булырға тейеш. Шулай итеп бөгөнгө мини-футбол уйынының еңеүсеһе тип "Парк" округы(депутаты Нәҙербаев Шамил Сәғәҙей улы) 1-урын һәм күсмә кубок яуланы. 2- урын "Шишмә" округы уйынсылары (депутаты Хәмитова Бәҙерниса Миңлеғәле ҡыҙы) яулаһа, 3 -урын "С.Юлаев" округы уйынсылары(депутаты Вәлиева Нәркәс Әнүәр ҡыҙы)яуланы. Әйтергә кәрәк һуңғы команда уйынсылары "Ғаилә йылы"нда ғаилә менән бер команда булып уйынға сығыуы үҙе бер мәртәбә өҫтәне.
Шулай уҡ "Иң оло" уйынсы исеме Йәнтурин Таһир Фәтҡулла улына "Иң йәш" уйынсы исеменә Нәҙербаев Юлай Юлдаш улы, һәм "Иң йәш, оҫта уйынсы" исеменә Нәҙербаев Айсыуаҡ Марат улы лайыҡ тип табылды. "Иң шәп ҡапҡа һаҡлаусы" исеме Әлибәков Филүс Рәхмәтулла улы һәм "Иң яҡшы уйынсы" исеменә Нәҙербаев Марат Әнүәр улы яуланы. Бөгөнгө ярышта әүҙем ҡатнашҡандары өсөн ҡалған команда уйынсыларына "Рәхмәт хаттары" тапшырылды.
Сараны юғары кимәлдә үткәрергә ярҙам иткән ауыл хакимиәте башлығы Шамил Сәғәҙей улы Нәҙербаевҡа, ир-егеттәр ҡоро башлығы, төп судья Ҡыуандыҡ Роберт улы Әбдрәхимовҡа,
байрамға матур итеп сәй табыны әҙерләп уйынсыларҙы ял ваҡытында йылы сәй менән һыйлап торған Йәнтуриндар ғаиләһе һәм яҡындарына, ҙур өлөш индергән ауыл ҡатын- ҡыҙҙарына оло рәхмәт һүҙҙәрен еткерәбеҙ.
Беҙ бергә!
Беҙ Берҙәм!
Беҙ Тыныслыҡ яҡлы!

РАФИҒА ҒАЗИНА.
МЕРӘҪ АУЫЛЫ.