Стәрлетамаҡта ике автобус ҡатнашлығындағы юл фажиғәһендә пассажирҙар зыян күргән

Стәрлетамаҡта дәүләт автоинспекцияһы хеҙмәткәрҙәре ике автобус ҡатнашлығындағы юл-транспорт ваҡиғаһы сәбәптәрен асыҡлай. Ведомствоның матбуғат хеҙмәте мәғлүмәттәре буйынса, авария бөгөн иртәнге сәғәт 9 тирәһендә Хоҙайбирҙин урамындағы «Башҡорт гимназияһы» туҡталышы янында теркәлгән. «ПАЗ» автобусы водителе юл ыңғай барған «ГАЗель Некст» менән бәрелешкән. «ГАЗел»дең ике пассажиры дауаханаға оҙатылған.