ЯМҒЫРҒА ҺЫУҺАУ...

Сибайҙар әлеге мәлдә тәҙрә янында... Күпселеге... Кемеһелер балконына сығып уҡ баҫты... Ә ихатала уйнап йөрөгән малайҙарҙың ҡыуанысы артты: улай йүгерәләр, былай йүгерәләр... Магазинданмы, ҡайҙандыр ҡайтып килеүселәр ҙә ашыҡмай... Ә бит ҡойоп ямғыр яуа! Ниһайәт! Күпме көттөк беҙ уны... Һағындырып килгән ямғырҙан берәү ҙә ышыҡта йәшенеп ҡалырға тырышмай. Киреһенсә, күрергә, ямғыр килтергән еңел саф һауаны туйғансы һуларға ынтыла. Хатта ҡоштар шатлығынан геү килеп сутылдаша!Әммә оҙаҡ яуманы, туҡтаны. Танһыҡ ҡанманы әле! Тағы кил, ямғыр! Инәлтмәй генә "килеп йөрө" инде.