ЯҢЫ АВТОБУСТАР КИЛДЕ

Баймаҡ АТП-һына сираттағы «Вектор Некст» маркалы яңы уңайлы автобустар килде.

--Дөйөм алғанда район быйыл 10 автобус аласаҡ, һигеҙен инде беҙ алдыҡ, —тип белдерҙе Баймаҡ районы хакимиәте башлығы вазифаһын башҡарыусы Ф.Әминев, ҡыуаныстары менән уртаҡлашып.

Ҡала автобустары мөмкинлектәре сикләнгән кешеләрҙе урынлаштырыу өсөн махсус ҡоролма һәм майҙансыҡ менән йыһазландырылған. Әйткәндәй, Баймаҡ ҡалаһында 13 августан «Башавтотранс» автобустарында «Алға» картаһы буйынса билет хаҡы 18 һум, ҡулаҡсаһыҙ – 20 һум тора. Тиҙҙән районға уҡыусылар өсөн карта киләсәк, билет хаҡы 15 һум буласаҡ.