АТАЙСАЛ
-19 °С
Болотло
Антитеррор
Бөтә яңылыҡтар
Төбәк һулышы
27 Июнь 2019, 09:21

Ҡайтһындар ҡунаҡ булып

29 июндә Баймаҡ районының Иҫәнбәт ауылында «Ҡыҙҙар ҡайта ауылға» сараһы уҙасаҡ.

29 июндә Баймаҡ районының Иҫәнбәт ауылында «Ҡыҙҙар ҡайта ауылға» сараһы уҙасаҡ. Төбәгебеҙҙә матур йолаға әүерелеп барған байрамға иҫәнбәттәр ихлас әҙерлек эштәре алып бара: ауылдарын төҙөкләндерә, йорт-ҡураһын буяй, биҙәй, концерт номерҙары әҙерләй, ҡул эштәре күргәҙмәһен хәстәрләй.
Ауылдың йөҙөк ҡашы булған «Һандуғастар» фольклор ансамбле етәксеһе Гөлзифа Исрафилова байрамға арнап шиғыр ҙа ижад иткән. Уны гәзит уҡыусылар иғтибарына тәҡдим итәбеҙ.
Ҡыҙҙар ҡайтты бөгөн ауылға,
Бер күрешер өсөн йән атып.
Ҡыҙҙар ҡайтты бөгөн ауылға,
Кендек ҡаны тамған
ер тартып.
Ҡыҙҙар ҡайтты бөгөн ауылға,
Төшөп китеп тәрән уйҙарға.
Йәшлек эҙе ҡалған урамдарҙы
Форсат барҙа йәнә барларға.
Ҡыҙҙар ҡайтты бөгөн ауылға,
Ҡунаҡ ҡына булып бер аҙға.
Ҡайһылай ҙа һәйбәт
ҡаршы алып,
Атың башын бәйләр
ер барҙа.
Ҡаршы алды беҙҙе
ауылдаштар,
Йылы ҡосаҡтарын киң йәйеп.
Тыуған ауылына
ҡайтҡан ҡыҙҙар,
Ана, нисек йөрөй ирәйеп!
Осрашыуҙар күңелдәрҙә
Ҡалыр матур йыр булып.
Ҡайтһын ҡыҙҙар ауылына
Бары тик ҡунаҡ булып.
Гөлзифа Исрафилова.