АҒЫР ШИШМӘ СЫЛТЫР-СЫЛТЫР

Башҡортостанда Экология һәм айырым һаҡланған тәбиғәт биләмәләре йылында күп кенә йылға, күлдәр, һыуһаҡлағыстар торошо яҡшыртыла. Оло һыуҙарҙың сығанағы булған шишмәләр ҙә күҙ уңынан ысҡындырылмай. Республикала быйыл 8 шишмә биләмәһе төҙөкләндерелергә тейеш булһа, улар тағы өсәүгә күбәйтелеп, йәмғеһе 11 йылға башы рәткә килтереләсәк. Исемлектә Күгәрсен районының Ураҡай, Салауат районының Мөрсәлим, Балтас районының Түбәнге Ҡарыш, Мишкә районының Яңы Сәфәр, Бәләбәй районының Ермолкино, Ҡариҙел районының Абдулла, Тәтешле районының Яңғыҙ Нарат, Краснокама районының Мөҙәк, Әбйәлил районының Ҡырҙас, Баймаҡ районының Түбәнге Иҙрис, Хәйбулла районының Воздвиженка ауылдарындағы шишмәләр бар.Сығанаҡтар биләмәләрен төҙөкләндереүгә «Башҡортостан Республикаһының экология һәм тәбиғәт ресурстары» дәүләт программаһы сиктәрендә төбәк бюджетынан 1 миллион һумдан ашыу аҡса бүленгән.