Үәт, афарин!

18 ғинуарҙан 24 ғинуарға тиклем Удмуртияның Дебесы ҡасабаһы интеллектуаль ярыш үҙәге була. Илдең 23 төбәгенән 350-нән ашыу йәш шахматсы бәләкәй ҡалаларҙан һәм ауылдарҙан уҡыусылар араһында уҙғарылған Бөтә Рәсәй ярыштарына йыйыла. Улар араһында Хәйбулла районы Аҡъяр ауылының Балалар-үҫмерҙәр спорт мәктәбенән «Аҡ ладья» шахмат клубы командаһы була.

Яҡташтарыбыҙ яҡшы әҙерлек кенә түгел, ә еңеүгә ынтылыш та күрһәтә. Һөҙөмтәлә, Хәйбулла районы командаһы Рәсәйҙең иң көслө ун командаһы иҫәбенә инә! Был иҫ киткес уңыш, ул йәш шахматсыларҙың юғары әҙерлек кимәле һәм уларҙың тренерҙарының профессионализмы тураһында һөйләй.

Яҡташтарыбыҙҙы иҫ киткес уңыштары менән ҡотлайбыҙ!