Бөтә яңылыҡтар
Спорт
23 Июнь 2022, 12:50

Санкт-Петербургтан велосипедта ҡайтҡан

Сибай ҡалаһында тыуып үҫкән Руслан Фәйзуллин велосипедта сәйәхәт итергә ярата. Ул Санкт-Петербургтан Сибайға ҡәҙәр 2700 саҡрым арауыҡты үтеп, тыуған ҡалаһына имен-һау килеп еткән. Руслан Ғәфүр улы 6 йылдан ашыу велосипед спорты менән шөғөлләнә. Башта ул 100 саҡрым арауыҡҡа ғына сәйәхәт ҡылһа, 2020 йылдан алыҫ тарафтарға ла сығырға йөрьәт итә. Егет әлеге ваҡытта Санкт-Петербургта йәшәй. Тыуған яғына юл тотҡанда ул илебеҙҙең төрлө ҡала һәм ауылдары аша уҙған.

Санкт-Петербургтан велосипедта ҡайтҡан
Санкт-Петербургтан велосипедта ҡайтҡан

 

-Мәскәүҙә сәйәхәттәр туҡтар сиккә еттем. Баш ҡалаға еткәндә сәләмәтлегем ныҡ ҡаҡшаны. Тубыҡтарым травмаланып, эшлекһеҙ хәлгә етте. Көнөнә 150-200 саҡрым үтеп тубыҡтарыма ныҡ көс төшкән. Мәскәүгә мин 5 көндә барып еттем. Ул Санкт-Петерургтан 650 саҡрым алыҫлыҡта ята. Алдыма һаулығым мөһимме һәм сәйәхәтме тигән һынау торҙо. Шулай ҙа кәрәкле дауалауҙар алғандан һуң юлымды дауам иттем,-- ти егет

Руслан Фәйзуллиндың велосәйәхәте тураһында гәзитебеҙҙең 1 июлдә сығасаҡ 26-сы һанында уҡырһығыҙ.

Санкт-Петербургтан велосипедта ҡайтҡан
Санкт-Петербургтан велосипедта ҡайтҡан
Автор:Гульдар Кадаева