Спартакиада дауам итә

Спартакиаданы асыу тантанаһында ойоштороусылар ярыш ҡағиҙәләрен аңлатты, инструктаж үткәрҙе. Ярышта ҡатнашыусыларҙы сәләмләгәндән һуң  гер күтәреү буйынса сәмле көрәш башланды. Ир-егеттәр 24 килограмм ауырлыҡтағы герҙе билдәләнгән ваҡытҡа күтәреп ярышты.

Спартакиаданың был төрөндә иң спортсы команда билдәләнеп кенә ҡалманы, иң көслө ҡатнашыусы ла асыҡланды. Ярышта бөтәһе 7 команда көс һынашты. Өсөнсө урынға хәрби тау-ҡотҡарыу часы спортсылары сыҡһа, икенсе урында 45-се янғын һағы часе хеҙмәткәрҙәре билдәләнде. Гер спортында абсолют беренселекте төбәк эҙләү-ҡотҡарыу отряды командаһы яуланы. Еңеүсе команда вәкиле Даян Ғүмәров иң көслө гер күтәреүсе булып танылды.

Алда производство коллективтары спортсыларын спартакиаданың ике төрө -- бильярд һәм теннис ярыштары көтә. Яҡын аралағы матч шәмбе 27 ноябргә тәғәйенләнгән.