Сибай фигуристары йәнә пьедесталда

Ял көндәре Рәсәй фигуристары Беренсе канал - 2021 командалы турнирҙа көс һынашһа, Сибай ҡалаһы “Ирәндек” боҙ һарайында Муниципаль – ара беренселек өсөн ҡыҙыу ярыш барҙы. Сарала Сибай, Магнитогорск, Силәбе, Троицк, Новотроицк, Ырымбур, Южноуральский, Злотоуст, Учалы ҡалаларынан 208 фигурист ҡатнашты. Үҫмерҙәрҙәр араһында беренсе разрядлы спортсылар бәйгеһендә - Альберт Янбаев, “Йәш фигуристар” разрядында Дана Ғибәҙуллина алтын, “Икенсе разрядлы спортсы”лар ярышында Мария Витушкина бронза миҙал яуланы. Йәш спортсыларҙы еңеүҙәре менән ихлас ҡотлайбыҙ, киләсәктә лә тик уңыштар юлдаш булһын!