Эх, күңелле ял итеүе!

Кескәйҙәргә ошондай күңелле ялдар, бәхетле баласаҡ бүләк иткәндәре өсөн ҡәҙерле ата-әсәләргә ҙур рәхмәтемде еткерәм.

Ҡышҡы ялда һәр кем үҙ ғаиләһе, ғәзиз балалары менән бергә булырға тырыша. Сибай ҡалаһының “Әкиәт” балалар баҡсаһының тәрбиәләнеүселәре лә үҙҙәренең ял көндәрен бик файҙалы һәм күңелле үткәрә. Атай-әсәйҙәре, туғандары менән тауҙан сана менән шыуалар, саф һауала хәрәкәтле уйындар уйнайҙар. Бәләкәй булыуҙарына ҡарамаҫтан, саңғыла, конькиҙа шыуырға өйрәнеп, үҙҙәренең һөнәрҙәрен арттырыуҙары бигерәк ҡыуаныслы күренеш. Барыбыҙ ҙа белеүебеҙсә, яҡшы кәйеф, ыңғай тәҫьораттар, яҡындан аралашыу баланың үҫешенә ҙур йоғонто яһай һәм дә ғаиләне тағы ла нығыраҡ берләштерә.

Кескәй дуҫтарыбыҙға ошондай күңелле ялдар, бәхетле баласаҡ бүләк иткәндәре өсөн ҡәҙерле ата-әсәләргә ҙур рәхмәтемде еткерәм. Барығыҙға ла матур ял теләйем.

Тәрбиәсе Раушания Иҫәнгилдина.